Teitur Sævarsson (f. 1996) lauk BS-prófi í búvísindum
frá Landbúnaðarháskóla Íslands árið 2020. Teitur starfaði
sem aðstoðarmaður í rannsóknum við Landbúnaðarháskóla
Íslands frá 2020-2021, þar sem hann vann m.a.
undir stjórn Jóns Hallsteins Hallssonar að greiningu
litaerfðabreytileika innan íslenska sauðfjárkynsins. Í
dag er Teitur meistaranemi í líf- og læknavísindum við
Háskóla Íslands og vinnur þar að meistaraverkefni sínu
undir leiðsögn Berglindar Óskar Einarsdóttur og Eiríks
Steingrímssonar, en það snýr að hlutverki umritunarþáttarins
MITF í ónæmisforðun sortuæxla.
